هل ال SCP- 169 مخلوق اسطوري أم كائن حقيقي ؟

كتبت:نورهان مسعد

الـ SCP-169 أو الليفياثان، ده كائن بحري عملاق جدًا، والعلماء بيقولوا إن طوله ممكن يكون ما بين 2000 لـ 8000 كيلومتر يعني ممكن يعدي طول بلاد!

تم إكتشاف الكائن بطريقة غريبة جدًا، اُكتشف عن طريق اشعة جاما وده لما شافوا منطقة في الطرف الجنوبي لأمريكا الجنوبية في منطقة كانت متماسكة مع بعض فجأة اتفككت و بقت جزر كتيرة متفرقة عن بعض واللي خلاهم يستغربوا إن التفكك دا لما بيحصل بيكون خلال سنوات كتير مش في لحظة.

وعشان كده بعتوا فريق عشان يستكشفوا المنطقة و لما عملوا الدراسات اكتشفوا إن النباتات و التربة اللي اساسا اول مرة يشوفوها دي كانت بترجع لمادة عضوية لكائن معين، و من هنا اكتشفوا إنهم كانوا واقفين على ضهر كائن ال SCP-169!.

ال SCP-169 بيقولوا إنه موجود من زمن البريكامبريان، يعني من أيام الديناصورات، ومفيش كائنات تانية شبهه اتشافت. الليفياثان ده بيتحرك ببطء شديد، أقل من كيلومتر في الأسبوع، والزلازل الصغيرة اللي بتحصل كل تلات شهور بتدل على إنه بيطلع لسطح البحر عشان يتنفس.

الليفياثان لونه أخضر فاتح، وعنده زعانف بني غامق، وذيله شبه ذيل السمكة. والعلماء بيقولوا إنه بيسبب أمواج عالية جدًا، بس الغريب إنه مش بيأذي البشر، حتى اللي بيغرقوا في البحر، والأغرب من كده إن على ضهره فيه جزر متحركة، يعني مكانها بيتغير من وقت للتاني.

و الجدير بالذكر إن لو الكائن ده بقى نشيط يعني صحي من نومه، بيقولوا إن ده ممكن يسبب كارثة كبيرة جدًا، ممكن توصل لحد الانقراض.

الحقيقة، الليفياثان ده لسه لغز كبير. يعني لحد دلوقتي، محدش عارف هو حقيقي ولا لأ، و ده لأن كل الصور اللي قدروا يشوفوها لي كانت عن طريق القمر الصناعي و ده بسبب كبر و طول حجمه.

بعد كل المعلومات اللي عرفتها دي تفتكر الليفياثان اسطوري ولا حقيقي؟!