مراجعة مسلسل revo

كتب محمد هشام

"هشوفها تاني ولا الوقت فات "

"متكتف ، مهموم ، موجوع و ضعيف وشجاع"

ممكن لما تسمع كلمات زي ديه تفتكر انها اغاني لكايروكي لأنهم بصوت امير عيد بس الي متعرفهوش ان دول مش كايروكي ولا امير عيد دول ريفو و ده شادي اشرف و جاي افهمك اي علاقة الاتنين ببعض

ريفو هو مسلسل اتعمل سنة ٢٠٢٢ على منصة whatit و بيحكض عن قصة باند فالتسعينات كان مكون من مجموعة شباب عايزين

يوصله لحاجة هي ايه هما مش عارفين او مش عارفين يعبرو عنها زي حالنا حاليا و حال شباب كتير و كان اكتر شخص مؤثر فيهم هو

شادي اشرف اللي بالطبع هو امير عيد و قال فكلمات اغانيه تعبيرا عن نقطة زي ديه " سامع جوا مني صوتين صوت سابقني والتاني

قديم صوت يدل وصوت يضل صوت يحرر وصوت يشل ، وبعدين أروح لمين!! " كلام كله بيعبر عن قد ايه الشخص في فترة شبابه هو

مش عارف هو عايز ايه مبين عادات و تقاليد بتقولو اتعلم و دور على شهادة و مبين حاجه تانية ممكن يكون بيحبها و بيلاقي نفسه فيها

بس المجتمع مش شايف انها حاجه تستحق و ان ما هي إلا تفاهات و طبعا ده بيدمر الشخص و يمكن المسلسل عبر عن حاجه زي ديه

بشكل رائع و ان ازاي ممكن حاجه زي الموسيقى يبقى ليها سحرها الخاص اللي ممكن نعبر بيه عن حاجه جوانا مش قادرين نقولها او

بتعبر عن علاقتنا بشخص ما و تربطنا بيه و غير كدة هي كانت حلقة الوصل بين ابطال المسلسل هما كلهم بيشتركو في غنوة بيعبرو بيها

عن الاف الشباب و هنلاقي ان ده بينطبق على كايروكي و ان حاجه زي ريفو و عمل درامي بالحجم ده احيا فكرة الباند و وضح ان

ممكن حاجة بسيطة زي الموسيقى تقدر تكون هي حلقة الوصل بين حاجات كتير لا تتخيلها و هنشوف ده فكتير من اغاني كايروكي بدايتا

من اغنيه زي "الميدان " اللي ربطت بين ناس كتير ففترة كان كله بيسعى انه يعدل حاجات كتير و خلتهم لما يسمعو الاغنية فاي وقت

يتذكرو كل حاجه ايام نزول الاغنية و وقفتهم جنب بعض فالشوارع و ممكن ننتقل لاغنية تانية مثال " نعدي الشارع سوا " لما امير عيد

فكتابته للأغنية عبر عن شباب كتير بيكون الشخص اللي بيحبوه جنبهم بس بيبقى عندهم حالة من خوف من الاعتراف و خسران

الشخص و لما قال فالاغنية " خايف ااقرب اكتر خايف اتهور " بس فنهاية الاغنية ادى نوع من الثقة للناس اللي فحاللت متشابهة انهم

يعبرو عن حبهم للي قدامهم و انه قال " قولتلها كل حاجه وقولتلها الحقيقه وزي الفيلم النهايه كانت سعيده ردت وقالت وانا كمان نتقابل

بكره في نفس المكان " و طبعا اكيد مش كل النهايات سعيدة و طبعا مش هتكون كل الاغاني سعيدة بس الاكيد ان كل كلمة و يمكن كمان

كل لحن موسيقى هو ليه عند كل واحد فينا ذكرى و ليه معاني كتير و كل واحد بيسمع بيتلقى المعنى اللي هو محتاجه اهم حاجه ان كل

حاجه و ليها سحرها و بالتاكيد كل شخص عنده الموسيقى اللي بتسحره .