ليه YEN ؟

ليه YEN سؤال غريب اوي مش كده؟

بس حقيقي محدش فيكم طرح السؤال ده على نفسه قبل كده ليه الشباب دول عملوا المشروع ده كله؟

ليه هما بيبذلوا كل المجهود ده طب عشان ايه؟

انهاردة احنا كلنا هنقولكم رد السؤال ده كل واحد مننا هيكلمكم عن تجربته مع YEN

بالنسبة ليا انا كمحمد مسعد ليه بدأت كل ده...

فالحقيقة المشروع ده بدأ بشكل مش بعيد اوي عن باقي المشاريع تقدروا تقولوا كده زي مشروع الكتاكيت انا يسيدي طول عمري نفسي اعمل مشروع اقدر اعبر فيه عن نفسي وافكاري ويكون فرصة لشباب شبهي انهم يعملوا نفس الكلام مش مقيدين بفكر محدد ولا بأي مشروع يمثل منارة امل لباقي الشباب اننا ممكن كلنا نحاول ونجرب وننجح

بالنسبة ليا yen اهميته لا تكمن فذاته بل تكمن فتأثيره عالآخرين وحقيقي كل ماحد بيجيله أمل انه حابب يبدأ مشروع ليه بسببي بكون فقمة سعادتي فزي ما قلتلكم انا الحلم ده عندي من زمان اوي لحد ما فمرة روحت لأقرب صاحب عندي وليد نصر احلى ديزاينر كده كده "مش تطبيل" ونائب رئيس الفريق والأهم من كل ده انه صديقي واخويا وقولتله وليد ماتيجي نعمل مشروع اعلامي وبس يسيدي الحوار بدأ فكافيه بعد كده ركبنا الترام وعقبال ماروحنا كنا خلاص عرفنا مين هيبقى معانا فالمشروع ومن ساعتها واحنا بنشتغل كل يوم صبح وليل وبنفكر وبنتعب عشان نكمل المشروع و دلوقتي الفريق كبر و كله بقى بيسعى مش انا لوحدي كل واحد فيهم بيطلع موهبته وابداعه هنا بلا قيود ولا حدود وده هدفي الاسمى واتمنى انه يستمر بكرم ربنا ثم إجتهادنا

ودلوقتي هسيبكم مع كل واحد من تيم السايت تعرفوا منه ليه YEN؟

انا إبتسام حسن ليدر تيم السايت سبب انضمامي ل YEN وحبي للكيان ده أن انا بكتب براحتي و بعبر بطريقة الكتابة باكتر من أسلوب انا مش متقيدة ب حاجة معينة ولا ليا قواعد لازم امشي عليها ، انا بعمل كل حاجة بحريتي و باللي مريحني وهعرف أبدع فيه اكتر

غير أن التيم كله متعاون إذا كان بودكاست أو سايت احنا كلنا فريق واحد و ايد واحدة بنتعامل كلنا أن البروجكت يهمنا كلنا مش يهم شخص واحد

بكون فخورة بينا و فخورة بكل خطوة جديدة بتحصل ولسه اللي جاي احسن طول م احنا سوا و بندعم بعض دايما ♥️

انا نورهان مسعد سبب انضمامي ل YEN هو اني لقيت المكان اللي اقدر اطلع في ابداعي بطريقتي انا بدون اي شروط و من غير اي ضغط ، ده غير اننا كلنا هنا عيلة واحدة بنساعد بعض عشان كلنا عندنا حلم عايزين نوصله ف بنجتهد و نسعى عشان نطلع شغلنا على أكمل وجه ؛بتقديم محتوى مفيد للشباب بيساعدهم في حياتهم اليومية و العملية ، واتمنى نكون عند حسن ظنكم♥️.

انا نورهان مجدي نا انضميت لتيم YEN مش بس ع شأن اتدرب و اكتب و اعبر بأسلوبي عن المواضيع البتكلم فيها لا احنا هنا كلنا صحاب بنساعد بعض و نشجع بعض لاقيت في روح هنا مش موجوده في مكان و هي المحبه و التعاون حقيقي انا ممتنه للمكان الأنا فيه و بحبه و بحب تشجيعهم ليا و ده بيحمسني و يساعدني اني اطلع احسن ما عندي في البقدمه منغير حدود أو حاجه تربطني و ع شأن احنا هنا كلنا شباب ف ديما هتلاقي أن كل المواضيع البنتكلم فيها هي المواضيع الانت بتدور عليها بأحسن شكل و اكبر استفادة

انا هبة عادل في يوم من الايام قررت الانضمام ل تيم yen بصراحه مكنتش فاهمه وحاسه انه مجرد تيم عادي زي "حبه شباب اعدين على قهوه و قالو هنعمل مشروع و عملو المشروع" كنت فاكره ان كدا خلاص

....... بدأت الفكره في التنفيذ وانا لا أدرك شي من هذا وأعدت افكر "انا هعمل ايه بجددد"

وبدأت الفكره وبدأت افهم انا كمان لكنن انفذ كان صعب حاولت مره اتنين تالته وجت معايا وبدأت اشتغل مع تيم الويب سايت واعدنا نكتب مقالات متنوعه و حاجات كتير تهم الناس لحد ما وصلنا ل 1k ودا بفضل كل حد في التيم واحب اشكر كل حد فيهم و اشكر صحابنا كلهم وبجد العظمه بنتظارنا قدام شكرا YEN♥️

انا بسملة محمود سبب انضمامي لـYEN

انه بدأ كـحلم شباب نفسهم يعملوا حاجه مفيده والحمدلله قدروا يثبتوا دا في مده قصيرة، واننا مش بس تيم مع بعض لأ احنا عيله صغيره سوا وصحاب، وكل واحد مسموح له يقول افكاره بـحريه، ولو حد حصلتله مشكله باقي التيم كله بيساعده عشان يحلها

انا بسملة خميس سبب حبي وانضمامي ل YEN

هو التقدير و إن كلنا تيم واحد وبنحب بعض وبنعدم بعض عشان نطلع لقدام وهدفنا اننا نفيدكم بمحتوي مفيد دائما وبأفكار جديدة علي طول♥️

والحلو فينا اننا عيلة واحدة و الليدر ديما بيحسسنا وبيقولنا كلنا صحاب البروچيكت مش هو بس وديما باخد مساحتي عشان أبدع بطريقتي وبكتب عن اللي بحبه بكل حرية ودعم وحب ...

وعايزة كمان اقول اني مبسوطة وبحب كل حد بيقرأ الملخصات اللي بكتبها وبيستناها بعد الماتشات وبيقولي رأيه بكل حب ♥️

انا سهيلة فريد سبب انضمامى لاحلى تيم بجد وهو تيم Yen هو ان معايا اشخاص ممتازة ومتميزةجدا فى شغلها ماشاء الله وده بيخلينى استفاد منهم جدا وغير كدا كلنا بنتعامل مع بعض كاننا واحد مش كل واحد لوحده من خلاله بقدر اتطور من نفسى واكتب مقالات وغير كدا انه بيبقى فى ايڤنتات كتيرة بنحضرها وبنستفاد اكتر بجد انا فخورة انى مع احلى واشطر تيم ❤

انا ميسرة محمود انا انضميت لتيم YEN عشان فى ميزة حلوة اوى هي أنى بكتب اللى بحبه بطريقة بحبها مش حاجة اجبارى اعملها فبطلع احسن ما عندى و بصراحة تيم متعاون اوى و لذيذ و دايماً ماشاء الله ناجح و متميز و افكار جديدة و برة الصندوق و دى حاجة بحبها أوى و دايماً فى حاجات جديدة بتتعمل متنوعة مش شغل ثابت و مفيش ضغط مقالات كتير و بيتقال قبلها بفترة و كمان اننا بنقدم محتوي بيفيد الشباب و معمول عشانهم ❤️❤️

انا ندى اشرف سبب انضمامي لتيم ( YEN)هو اني لقيت مميزات كتير في المكان ده اولهم اني بكتب بأي طريقه حباها وفي أي موضوع بردو وحبيت ان مفيش شروط بتحدد حاجة او طريقه معينه ف الكتابه او في المواضيع وده في حد ذاته حريه وبيخليني اعبر عن رأي وطبيعتي بحريه عن اي مواقع تانيه مقيده ، انا هنا بقدر احقق ذاتي واقول كل افكاري لان yen عطياني الفرصه دي بصراحه ان اطلع ابداعي ومواهبي كلها في مقالاتي المختلفة واللي بتفيد فئه كبيره من الناس والشباب💗

انا منار السيد سبب انضمامي ل YEN لأنه حقيقي بروجيكت مختلف و متميز بيقدم محتوى متنوع وهادف لكل الأعمار كل واحد فينا كفريق بأسلوبه وطريقته بيقدم محتوى مميز ومناسب لكل اهتمامات القراء غير أننا مش مجرد teamwork لا حقيقي احنا عيلة واحدة و صحاب هدفنا واحد وهو أننا نكبر البروجيكت ده و نفيد به أكبر عدد من جمهورنا و نقدم محتوى يليق بيهم و بثقتهم فينا ، غير أني حقيقي مش بكون مقيدة بنوع معين أو محدد من الكتابة و ده المميز في YEN بنسبالي أنها بتحترم حريتي و بتسيب لي مساحتي في الكتابة و ده لان هدفنا الأساسي أننا نكون قريبين من الجمهور دايما.

انا مريم وليد فالحقيقة لا شئ يضاهي حبي للكتابة فهي تمنحني إمكانية ترجمة مشاعري لحروف وافكاري لقصص ، لذلك انضممت لتيم Y. E. N لكتابة ما يحلو لي دون قيود ، كما منحنى الجرأه لأطلِع الجميع على كتاباتي بعدما كنت اكتفي بقراءتها انا وبعض المقربين إليّ .

وفالنهاية احنا كلنا YEN ونتمنى أننا نكون بنقدملكم المحتوى اللي انتوا تستحقوه ونتمنى اننا نكون سبب لكل واحد منكم أنه يجمع شجاعته ويبدأ فمشروعه بلا خوف بل بكل حماسة وتوكل على الله .