كل ماسوف تحتاجه لدخول عالم العمل التطوعي

Mohamed Mosaad
Oct 14, 2024
8 min read

كتبت : ابتسام حسن

نورهان مسعد

في بداية كل صيف سواء كنت طالب مدرسة أو جامعة بتظهر ليك فرص كتير بتتلخص في شكل تطوع أو تدريب عملي internship، وهنا بتحصل مشكلة إن بنكون مش عارفين الفرق بينهم و أنهي احسن ليك و الأنسب في حياتك العملية و العلمية، ولكن في الحقيقة هو الفرق بينهم بسيط جدا وهو :

1- التدريب العملي في غالب الوقت انت كمتدرب بتتقاضى عليه اجر مادي مقابل كل مهمة بتنجزها ، في حين التطوع بيكون مجاني بنسبة كبيرة إلا في حالات نادرة بتكون على شكل سكن أو تكاليف سفر

2- تختلف الخبرة المكتسبة ففي حالة التطوع بيركز على العمل الجماعي ومساعدة الآخرين ، أما المتدرب يرتكز على الاهتمام بمجاله وتطوير مسيرته الوظيفية

3- التدريب العملي يقتصر على الطلاب في مرحلة الجامعة والخارجين الجدد ، وفي حالة التطوع فهو متاح لجميع الاعمار من طلاب المدارس وحتى كبار السن

4- يحدد التدريب العملي بوقت عمل الشركة أو المؤسسة، أما في حالة التطوع فالوقت مفتوح إلا في حالة تم تحديد الوقت من الجامعة

5- تنتشر فرصة التدريب العملي في المؤسسات و الشركات بجميع أشكالها سواء كانت محلية أو عالمية .

و أجرت نورهان مسعد حوارًا صحفيًا مع الطالبة روان أحمد، طالبة في كلية العلاج الطبيعي بجامعة القاهرة، للحديث عن تجربتها في العمل التطوعي والتدريبات اللي خاضتها من سن صغير.

"أنا روان أحمد، عندي 20 سنة، دخلت مجال العمل التطوعي (civil) وأنا عندي 15 سنة. أول انترفيو ليا كان في club مشهور تابع لمكتبة الإسكندرية، واترفضت فيه. لكن التجربة دي خلتني ما يأسش، بالعكس علمتني إزاي أعدي أي انترفيو وإزاي أكون مستعدة ليه كويس. بعد كده، خدت خطوة وقدمت في western organization واشتغلت في لجنة التنظيم (OC)، ودي كانت أول تجربة فعلية ليا. في نفس الوقت كنت بتدرب على presentation skills.

بعد ما خلصت الثانوية ودخلت الكلية، بدأت أركز على inside projects في إجازة الكلية.

و دا خلاني أكتشف إن عندي مهارة في الإلقاء الجيد، كنا بنعمل campaigns ومسؤولين عن عمل أبحاث عن مواضيع مختلفة، ونكتب سكريبت بنفسنا ونطلع نقول السكريبت ده قدام كاميرا.

كانت أول مرة أعمل حاجة زي دي، والحمد لله الفيديو بتاعي جاب views كتير جدًا. من هنا بدأت أحب المجال وقررت أنمي الموهبة دي. دلوقتي شغالة مع راديو علاج طبيعي واشتغلت معاهم كـ podcaster لحد دلوقتي.

وأنا في سنة أولى كلية، كنت مهتمة بمجال ريادة الأعمال، وقدمت فكرة مشروع في مسابقة، لكن ما توفقناش. بعد كده، دخلنا معسكر لحاضنات الأعمال، وحققنا المركز السابع.

بسبب المسابقات دي، قدرت أتعرف على ناس ودخلت كيان شباب مستدام، اللي هو كيان تابع لوزارة الشباب والرياضة. حاليًا أنا رئيس وحدة التدريب وتنمية قدرات الشباب المركزية، ومسؤولة عن تنسيق كل الأعمال التطوعية اللي بتتم في محافظات كتير. دلوقتي كمان أنا متدربة في مستشفى القوات البحرية في الإسكندرية."

- هل الأعمال التطوعية أثرت في حياتك بشكل عام؟

"الأعمال التطوعية حرفياً غيرتني في أكتر من نقطة. في البداية، كنت شخص خجول جدًا ومبعرفش أتكلم قدام الناس، ومكنتش اجتماعية خالص، ودا بشهادة ناس كتير. لكن أول ما خلصت أول تجربة في civil work، اتغيرت 180 درجة. بقيت بعرف أتكلم وبقى عندي ثقة كبيرة في نفسي. وده ساعدني أطوّر من نفسي أكتر.

في نقطة مهمة جدًا وهي إنك لازم تجرب كتير عشان تكتشف نفسك وتعرف إنت مين. ولو التجربة منجحتش، هتتعلم منها وتظبط نفسك أو تشوف مجال تاني وتجربه. كمان، كل مكان بتروحه بيكون فرصة لعمل شبكة علاقات، والعلاقات دي بتتيح ليك فرص أحسن تفيدك في المستقبل."

- في جملة شهيرة دايمًا بنقولها إن محدش بيشتغل بشهادته بسبب المناهج التقليدية وأسلوب التدريس. من وجهة نظرك، إزاي بتقدري تطوري من نفسك؟ يعني بتاخدي كورسات أو بتشاركي في نشاطات طلابية؟

"المجال الطبي (medical) مجال مفتوح جدًا، ومينفعش نعتمد بس على الكلية، خصوصًا إن العلاج الطبيعي حصلت فيه نقلة كبيرة جدًا مؤخرًا في مصر. لازم نكون مواكبين آخر تحديثات الأبحاث. بس في نفس الوقت منقدرش نهمل منهج الكلية، لأن منهج الكلية هو الأساس اللي بنبني عليه، وده بينطبق على كل المجالات.

بمجرد ما تدخل الكلية، لازم تذاكر أول بأول وتحضر محاضراتك، وده كله بجانب الكورسات عشان تحقق أكبر استفادة. كمان، لازم تكون قد المكان اللي انت فيه وتستغل كل الفرص لتطور من نفسك."

وعلى الرغم من أهمية التعليم الأكاديمي، إلا أنه لا يكفي وحده لتلبية متطلبات سوق العمل المعاصر. هنا تأتي أهمية الكورسات المتخصصة، التي تلعب دورًا محوريًا في تجهيز الأفراد بالمهارات والمعرفة التي يحتاجونها للتميز في مجالاتهم؛ ولذلك سنقدم بعض الدورات التي قد يحتاجها الطالب للتطوير في مجاله.

١/ مجال كلية الأعمال والإدارة:

الإدارة العامة: كورسات في القيادة، الإدارة الاستراتيجية، إدارة الموارد البشرية.

التسويق: كورسات في التسويق الرقمي، استراتيجيات التسويق، أبحاث السوق.

المالية: كورسات في المحاسبة، التمويل الشخصي، إدارة المخاطر المالية.

إدارة العمليات: كورسات في إدارة المشاريع، إدارة سلسلة التوريد، التخطيط والإنتاج.

ريادة الأعمال: كورسات في تأسيس الشركات الناشئة، الابتكار، دراسة الجدوى.

٢/ مجال البرمجة (علوم، حاسبات، هندسة):

أساسيات البرمجة: كورسات في لغة البرمجة مثل Python، Java، C++.

تطوير الويب: كورسات في HTML، CSS، JavaScript، frameworks مثل React، Angular.

قواعد البيانات: كورسات في SQL، MongoDB، إدارة قواعد البيانات.

الذكاء الاصطناعي والتعلم الآلي: كورسات في التعلم العميق، الذكاء الاصطناعي، معالجة اللغة الطبيعية.

أمن المعلومات: كورسات في الأمن السيبراني، التشفير، أمان الشبكات.

٣/ مجال الإعلام:

الصحافة: كورسات في الصحافة الرقمية، الكتابة الصحفية، أخلاقيات الصحافة.

الإنتاج الإعلامي: كورسات في تحرير الفيديو، التصوير الفوتوغرافي، إنتاج البرامج التلفزيونية.

العلاقات العامة: كورسات في التواصل الجماهيري، استراتيجيات العلاقات العامة، إدارة الأزمات.

التسويق الإعلامي: كورسات في الإعلام الاجتماعي، الإعلانات الرقمية، استراتيجيات التسويق الإعلامي.

إدارة الإعلام: كورسات في إدارة المؤسسات الإعلامية، الإعلام الدولي، قوانين الإعلام.

٤/ المجال الطبي:

التكنولوجيا الطبية المتقدمة: كورسات في التطبيقات العملية للتكنولوجيا الحديثة في التشخيص والعلاج، مثل التصوير الطبي المتقدم وتقنيات الروبوت في الجراحة.

التدريب على التقنيات الناشئة: مثل استخدام الذكاء الاصطناعي في الطب، الطب عن بُعد (Telemedicine)، والعلاجات الجينية، مما يفتح آفاقًا جديدة في التشخيص والعلاج.

الإدارة الطبية وأخلاقيات المهنة: كورسات في إدارة المرافق الصحية، والجوانب القانونية والأخلاقية للممارسة الطبية، والتعامل مع المرضى، وهي جوانب لا تُغطى بشكل كافٍ في التعليم التقليدي.

العناية المتخصصة: كورسات في رعاية الفئات الخاصة مثل الأطفال حديثي الولادة، المرضى المسنين، مما يساهم في تقديم رعاية صحية شاملة ومتميزة.

التدريب العملي المكثف: ورش عمل ودورات تركز على تنمية المهارات السريرية المتقدمة والتطبيق العملي للحالات المعقدة، لتعزيز الثقة والكفاءة لدى الممارسين الطبيين.

كل مجال من هذه المجالات يحتاج إلى تدريب مستمر وتحديث المعلومات لمواكبة التطورات الحديثة، لذا يفضل دائمًا متابعة الكورسات الجديدة والمنصات التعليمية التي تقدم محتوى متخصص.

ودلوقتي مع حوار منة أمير، طالبة في كلية الآداب قسم الفوناتكس، اللي هتشاركنا تجربتها في دراسة الصوتيات وأهم المهارات المطلوبة في المجال.

"أنا منة أمير، عندي 22 سنة، في رابعة فوناتكس. الفوناتكس باختصار هو دراسة الصوتيات من كل الجوانب، بنغطي الجزء الفسيولوجي، التشريحي الفيزيائي، علم الصوتيات، التخاطب، وعلم النفس.

- إيه هي المهارات اللي شايفة إنها مطلوبة في مجال الفوناتكس؟

عندنا في فوناتكس كذا مسار ممكن تمشي فيه. أول مسار هو التدريس، سواء تدرّس English أو تدرّس الأجانب عربي. عشان تمشي في المسار دا، لازم تطور من نفسك في تدريس اللغة، وتكون عندك المهارات الكافية للتواصل (communication skills).

المسار التاني هو التخاطب، وده محتاج شخص يكون عنده قدرة على التواصل مع الأطفال ويركز على الفوناتكس ومخارج الحروف والأصوات.

أما المسار التالت، فهو جزء البرمجة (programming)، اللي بيخليك تشتغل أكتر على التحليل الصوتي باستخدام برامج متخصصة."

- الأعمال التطوعية أضافتلك إيه؟

"في الأول، شخصيتي كانت مختلفة تمامًا، لكن بسبب civil works اللي دخلتها، اكتسبت ثقة بالنفس وقدرت أتكلم وأتعرف على الناس وأدخل في مشاريع.

الاستفادة من الأعمال التطوعية بتتقسم لجزئين. الجزء الأول هو الاستفادة الأكاديمية، على حسب المؤسسة اللي بتشتغل فيها وبتقدم إيه من تدريب أو خبرة. الجزء التاني هو الاستفادة اللي بتعود عليا أنا كـ skills، زي إزاي أقدر أقسم مهامي، وأشتغل مع الفريق بتاعي. وكمان تعلمت إني مرة أكون leader ومرة أكون team follower حسب الموقف."

- فكرة الـ leading أضافتلك إيه وأضافت للناس اللي كانوا معاكي إيه؟

"أنا دايمًا بشوف إن النقطة الفارقة لأي حد ماسك شغل كبير أو ليدر شاطر هي إنه يعرف يوازن بين إنه يكون جدي وقت الشغل، وفي نفس الوقت يخلق روح حلوة بين التيم . و عشان أبقى leader، لازم أكون عارفة كويس جدًا الحاجة اللي هبقى مسؤولة عنها.

كمان، مهم جدًا إن التيم اللي بشتغل معاهم يكونوا معروفين بالنسبة لي شخصيًا. يعني، أكون أنا اللي عملتلهم interview وأعرف قدرات كل واحد فيهم كويس عشان أقدر أقسم المهام عليهم بشكل صحيح."

ـ إيه اللي بيميز الخريج اللي حصل على تدريب عن اللي معتمد على الدراسة النظرية فقط؟

"الشخص اللي اعتمد بس على الكلية، مهما كان شاطر في دراسته، لما ينزل سوق العمل مش هيعرف يتعامل مع الناس. لو معندوش communication skills أو presentation skills، مش هيعرف يوصل فكرته أو يصيغ الكلام بطريقة صحيحة. فمهما كان شاطر، هيفضل محصور في حدود معينة، وده هيكون عائق ليه في المستقبل.

أما الشخص التاني اللي دخل في تطوعات كتيرة واشتغل على نفسه خلال سنين الكلية، هيكون عنده خبرة في الشغل ضمن teamwork، والمهارة دي مطلوبة جدًا في سوق العمل ومش متوفرة عند ناس كتير."

وفي نهاية تقريرنا قام فريق YEN بتوفير بعض الفرص من التطوع و التدريب العملي لطلاب كلية الأعمال و طلاب المجال الطبي :

1- فرصة تطوع مهمة

مؤتمر Techne Summit Alexandria 2024

فتح Call for Volunteers

لينك التقديم :

https://alex.technesummit.com/2024/apply-now/volunteer

المكان هيكون : مكتبة الإسكندرية

محدش يضيع الفرصة دى ♥️

Our group ♥️

https://chat.whatsapp.com/KByrqj7xuCkExxhwNGt1dw

Our Channel ♥️

https://whatsapp.com/channel/0029VakCiIW7z4ki4NT27K09

#Self_Learning

2- تدريبات البنوك " البنك الزراعي المصري لعام 2024 " 🥰

🔹 التدريب عملي بفروع البنك بجميع المحافظات

🔹 التدريب لجميع الطلاب من الفرقة الثانية للرابعة.

🔹 الكليات المطلوبة: التجارة وإدارة الأعمال - الإقتصاد والعلوم السياسية - الحقوق - علوم الحاسب الآلي / هندسة الحاسب الآلي - الاعلام.

📌التفاصيل :

https://www.24jobtalk.com/2021/08/abe-ebi-summer-internship.html?fbclid=IwZXh0bgNhZW0CMTEAAR0nQh1SIBCmLHwU9AVbPkoEtbvm9tBJZI_cQySV1nHeXEFa0T0CcG4dGPs_aem_VJxAZknug7rhpURmdNM-jw

📌 التقديم مباشرة :

https://docs.google.com/forms/d/e/1FAIpQLSfL_JazsbqcXdIQ6NKECkt-LhATqkzPXLVzm5LlY0BxmoKUmQ/viewform

Our group ♥️

https://chat.whatsapp.com/KByrqj7xuCkExxhwNGt1dw

Our Channel ♥️

https://whatsapp.com/channel/0029VakCiIW7z4ki4NT27K09

#Self_Learning

3- تدريبات البنوك " بنك الإسكندرية لعام 2024 " 🥰

🔹 لطلاب الكليات في تخصصات: (تجارة - بيزنس - إدارة أعمال - حاسبات - هندسة كمبيوتر - علوم حاسب)

🔹 التدريب اونلاين للطلاب من جميع المحافظات

🔹 حصول الطالب على شهادة بعد نهاية التدريب من البنك

🚫 آخر معاد للتقديم يوم 4 / 8 / 2024

📌التفاصيل :

https://bit.ly/4dolorN

📌 التقديم مباشرة :

https://docs.google.com/forms/d/18UfNoi8Hf0jjvIr4l_SiCFOfpCO1xbuco6OE9JC9TO4/viewform?pli=1&pli=1&pli=1&edit_requested=true

Our group ♥️

https://chat.whatsapp.com/KByrqj7xuCkExxhwNGt1dw

Our Channel ♥️

https://whatsapp.com/channel/0029VakCiIW7z4ki4NT27K09

#Self_Learning

4- Volunteering opportunity

A'power'4 | funded by Britich Council

فرصة تطوع مع نادي مناصرة عن التعليم

فيه positions كتير متاحة دلوقتي للشباب اللي عايزة تنضم لمنظمات المجتمع المدني واللي مهتمين بالتعليم وتمكين المرأة، فرص تطوعية مختلفة تقدروا تقدموا عليها وهتلاقوا بيئة شغل آمنة وكويسة معاهم ولكم المساحة تشاركوا فيها آرائكم وابداعاتكم.

مش لازم يكون معاكم خبرة اهم حاجة بالنسبالهم المهارات فبجد فرصة كويسة جدا تقدموا عليها، فيه مميزات كتير لو تطوعتوا معاهم زي شهادة بعدد ساعات تطوعكم، وخطابات توصية وليكم الاولوية في الفرص اللي هيحصلوا عليها من الشراكات بتاعتهم، بجانب ان مهاراتكم الشخصية والمهنية هتتطور معاهم بشكل كبير.

ملاحظة: الاختيار لن يكون منحاز لفتاة أو شاب، بل بالكفاءة لذا جنسك لن يؤثر على الاختيار.

Insta: صفحتهم

https://www.instagram.com/apowerfour?igsh=MW9mbzIzajhmYTVs

Link form: لينك التقديم على استمارة التطوع

https://forms.gle/RDRywyrE71MphgtZ8

لينك الفايل الخاص بالفرص المتاحة:

https://docs.google.com/document/d/1JQFpL4sELx1V_RPL5FFW0M20800Td1LCcER5FamTaS4/edit?usp=drivesdk

Our group ♥️

https://chat.whatsapp.com/DyEDYEkWzwXBv1H9KHmihP

Our Channel ♥️

https://whatsapp.com/channel/0029VakCiIW7z4ki4NT27K09

#Self_Learning

5- بتاخدوا شهاده معتمده من الأمم المتحدة للمرأة

ده كورس اون لاين للبنات

طلبه وخريجات عادي

هما 6 محاضرات اون لاين وواحده اوف لاين علشان شهاده

* ازاي تظبطي الـCV

* ⁠ازاي تستعدي للإنترڤيو

* ⁠ازاي تسوقي لنفسك صح

* ⁠مهارات للاستعداد لسوق العمل

مجاني

https://www.facebook.com/share/p/8u68k81sdZfJtHBF/?mibextid=xfxF2i

6- في إطار التعاون بين مكتبة الإسكندرية ومؤسسة حياة كريمة

تطلق مكتبة الإسكندرية ومؤسسة حياة كريمة احتفالية تدشين برنامج نجوم مصرية «ستارز: خطوات نحو تحقيق نجاح حقيقي» STARS: Steps Towards Achieving Real Success.

وذلك يوم الاثنين الموافق 12 أغسطس 2024 الساعة العاشرة صباحًا بالقاعة الكبرى بمركز المؤتمرات، مكتبة الإسكندرية، والذي يتوافق مع الاحتفال باليوم العالمي للشباب

STARS هو برنامج موجه للشباب والفتيات من طلبة التعليم الجامعي وما قبل الجامعي. ويهدف البرنامج إلى بناء قدرات شبابية واعية لديها القدرة على توليد أفكار مبتكرة جديدة لتحقيق تغيير مجتمعي إيجابي وبما يتماشى مع متطلبات العصر.

ويضم برنامج STARS سلسة من المحاضرات وورش العمل التي تهدف إلى توعية الشباب وتطوير مهاراتهم، تم إعدادها وتجهيزها استنادًا إلى أبرز برامج وخدمات مكتبة الإسكندرية التي حققت نجاحًا كبيرًا في تلبية احتياجات النشء والشباب من مهارات ومعارف على مدار السنوات الماضية منذ تأسيسها.

لحضور احتفالية تدشين برنامج STARS، يرجي التسجيل من خلال الرابط التالي:

https://www.bibalex.org/cssp/ar/Registration/ReLogin.aspx?evID=4326

Our group ♥️

https://chat.whatsapp.com/DyEDYEkWzwXBv1H9KHmihP

Our Channel ♥️

https://whatsapp.com/channel/0029VakCiIW7z4ki4NT27K09

#Self_Learning

7- ♦️ يوم الاربعاء 14 اغسطس

✨Banking Day

3 بنوك فى يوم واحد

- بنك اسكندريه

- بنك القاهرة