"قسم الإعلام بكلية الآداب جامعة الإسكندرية: بوابة نحو عالمٍ من الإبداع والمهنية"

كتبت : هبه عادل ، سوده هنو

في عالمٍ يتسارع فيه نبض الإعلام وتتعدد وسائله، يبرز قسم الإعلام بكلية الآداب جامعة الإسكندرية كمنارةٍ للإبداع والمهنية، صانعًا أجيالًا من الإعلاميين المتميزين القادرين على مواكبة التطورات والتأثير في المجتمع.

نهدف إلى تسليط الضوء على قسم الإعلام بكلية الآداب جامعة الإسكندرية، من حيث أهدافه، وبرامجه الأكاديمية، وشروط القبول، ومدة الدراسة، ومنهج الدراسة، ومميزاته، وفرص العمل المتاحة لخريجيه.

في حوارنا مع الطالبه حبيبه عسران تخصص علاقات عامه:

احكلنا عن العلاقات العامه وليه اختارتي التخصص دا ؟

انا حبيبة عسران طالبة فرقة تالتة كلية الآداب قسم الإعلام.

قبل التخصص كنت محتاره جدا بين الشعبتين لانى كنت متقبلة الصحافة والعلاقات العامة لكن كنت مياله اكتر للعلاقات العامة لأنها مناسبة لشخصيتى وميولى اكتر.

•طيب استفتدتي اي خلال الدراسه

وهل المواد كانت سهله ؟

انى اقدر اوفق بين المؤسسة ال انا فيها وجمهورها بشكل عام، اقدر على التفاوض والوصول لحل متوسط، مواجهه المشاكل وحل الازمات، مواد الدراسة عندنا لذيذه اكتر من أنها سهلة لأنها يعتبر زى تطبيق عن حاجات كتير بتحصل فى حياتنا فا بتديني خبره.

•واي مجلات الشغل المتاحه ليكي بعد كدا ؟

فى مجالات كتير زى إدارة العلاقات العامة بين المنظمة والجهات الداخلية والخارجية، مسئول التسويق فى المؤسسة، إعداد الحملات الترويجية والإعلانية، الإشراف على المراسم البروتوكولية والتشريفات.

•هل شايفه أن تخصص العلاقات العامه حاجه هتخليكي تطوري من نفسك وتوصلي للي عيزاه؟

اكيد لان مجالنا مش مقتصر على الدراسة والشغل بس لان العلاقات العامة هى شئ اساسى فى حياتنا اليومية لأننا بالطبع شعب اجتماعى بناثر على بعض، فا من خلال الدراسه بنقدر نطور من نفسنا ونحل الأمور بشكل اكتر دقة بسبب دراستنا.

فا حقيقى انا مبسوطة من دراستى للعلاقات العامة لأنها بتفدنى على مستوى الحياة العملية والحياة الخاصة ايضا.

•طب اي النصائح الي تقدري تقدميها للطلاب الي عايزا تتخصص علاقات عامه ؟

ابدأ اقرأ معلومات عن مجال العمل وشوف ايه المناسب لقدراتك، افتح كورسات اونلاين وطور من نفسك، اتطوع فى اماكن فيها تخصص pr لأنها هتفيدك فى شخصيتك، واخيرا انزل اتدرب فى اى شركة فيها تخصص العلاقات العامة لان يعتبر حاليا موجوده فى معظم الشركات.

*في حوارنا مع الطالبه فرح علي تخصص صحافه:

ـ سبب اختيارك لشعبه الصحافه؟. ..اختياري لشعبه صحافه لأن أنا شغفي التحقيقات ولأن أنا حابه الموضوع دا من زمان خصوصا قسم الجرايم والصحف بتعملي تحقيق زي الشرطه بظبط ودا كان لسبب يعتبر والصحافة تعتبر دراسة في قسم اعلام أفضل وأسهل واروق .

هل يتعبر شعبه صحافه بكليه الآداب قسم إعلام صعب؟. ..القسم مش صعب ومش سهل يعني الجزء النظري الخاص بيه ممتع وبيعلمك حاجه، بيعلمك إزاي تكتبي خبر إزاي تكتبي اسئله لحوار صحفي وهكذا والجزء العملي بيعلمك إزاي تعملي خبر إزاي تدوري و إزاي تعملي حوار و تحقيق ، فهو مش صعب هو ممتع إللي حابب المجال.

ما هي المهارات التي يكتسبها الطلاب من خلال دراسة الصحافة؟. ..المهارات طبعا بنتعلم أساسيات الصحافه كلها إزاي تكتبي خبر والشغل العملي بتاع الصحافه بيطلعك قادره تشتغلي شغل صحافه حقيقي (خبر وتحقيق) .

ما هي فرص عمل المتاحة لخريجي شعبه صحافه؟. ..فرص العمل حالياً مش كتير لاسف يعني فرص عمل ضعيفه نظراً قله عدد صحف الموثوقة وفرص العمل المتاحه تدريبات الموجودة في صحف علي مقوله دكتور "عصام عامر"..أن الصحفي يقدر يعمل كل حاجه يقدر يشتغل علاقات يقدر يشتغل اي حاجه وزي ناس كتير علي الساحه الاعلاميه نصهم صحافين و خارجين صحافه اتجهوا لعمل التلفزيوني.

اخبارينا عن استفادتك من شعبه صحافه؟. ..الاستفادة كانت كبيره من شعبه صحافه شبكه علاقات محترمه ومعرفه أساس كتابه الخبر وصياغته والشغل العملي بيخليك تقدر تشتغل تحت ضغط وكان أول تحقيق عملته كان ترم كامل تاني ترم عملت اربع أو خمس تحقيقات سرعتي بتعلي وبتزيد مهاراتي بتزيد .

نختتم حوارنا بتأكيد مكانة قسم الإعلام بكلية الآداب جامعة الإسكندرية كأحد أهم أقسام الإعلام في مصر، ودوره الريادي في تخريج كوادر إعلامية متميزة تساهم في بناء مجتمعٍ واعٍ ومستنير ، ولاشك فرص العمل خريجو قسم الإعلام بكليه الآداب يستطيعوا العمل في مجالات متنوعة ومتعددة مثل (الصحافة، الإعلام الرقمي، التلفزيون، الإذاعة، العلاقات العامة، والإعلان) لديهم فرص عمل في (المؤسسات الإعلامية، الشركات، المنظمات غير الحكومية، والهيئات الحكومية).

هذه النبذة تقدم فكرة عامة عن كلية الآ

داب قسم الإعلام والأقسام التي قد تتوفر فيها، تختلف التفاصيل قليلاً من جامعة إلى أخرى، ولكن الهدف الأساسي هو إعداد الطلاب لمجال ديناميكي ومؤثر في المجتمع.