دور الضحية

كتبت/ ابتسام حسن

عزيزي القارئ أنا مش جاية اديك نصايح انا جاية اتكلم مع ضميرك شوية

يعني أية دور الضحية ؟

أن دايما في اي مشكلة تخص حياتك الشخصية أو العملية تحس انك مظلوم و الدنيا جاية عليك و ازاي ده حصل في حين أن مشكلتك ممكن تكون أقل من حجم الزعل اللي انت عامله ده ؟ اصل ده انا ياما كنت بعمل و بعمل خصوصا في مشاكلك الشخصية في حين أنك في الغالب أنت كشخص بتعيش الدور ده بتكون مش مقدم أي تضحية للشخص المقابل بل بالعكس انت بتاخد من غير ما تدي ، وهنا في فرق كبير بين الاهتمام و زعلك وبين انك بتعيش الدور ده تحت أي ظرف و أي وضع .

في حين آخر أن دور الضحية ده يدل على أن الشخص ده بيستعد أو يعاني من المرض العصابي و الذهانية لأن المشترك بينهم هو تكرار الحالات العاطفية السلبية زي الغضب و الحزن و الخوف إلى آخره .

ازاي تتخلص منه ؟ ازاى تتعامل على تخطي الشعور ده ؟

نظرا لأنه عقلية مكتسبة وليست موروثة فتستطيع تغيرها بتغير مسار تفكيرك وتقبل رأى و كلام الآخرين بشكل إيجابي لمحاولاتك اليومية.

الموضوع كله يا عزيزي بيلعب على عقلك وطريقة تفكيرك مش لازم دايما نكون صح تقبلك للمشكلة وحلها بدون ما تلوم نفسك و تلوم اللي حواليك بدون ما تفكر بطريقة سلبية و تفكر في الماضي هو ده الصح .