تقرير :- العنف وسيلة للتربية

كتبت/روان كامل 

عاملين ايه يارب تكونوا بخير وفي احسن حال .

النهاردة التقرير بتاعي عن الضرب هل هو وسيلة للنقاش أم لا ؟ حبيت اتكلم عن الموضوع لأن كتير من الأهالي بيستسهلوا الضرب مع أبنائهم وده فيما بعد بيأثر  على نفسيتهم جدا وكمان كثرة ضربهم ممكن توصلهم لحالة نفسية ، فيلا تعالوا معايا هنتكلم عن الضرب ازاي مضر وامتى ممكن نستخدمه ، وكمان أخذت بآراء البعض بخصوص ضرب الأخ لأخته. 

الضرب وسيلة بيتبعها كتير من أهالي مع الأبناء سواء الأطفال أو في سن المراهقة حيث يعتقدون أن هذه الوسيلة سوف تجعلهم يتوقفون عن فعل الغلط ، ولكن مش ده ابدا اللي هيخليهم يتوقفون عن غلطهم ، الضرب ده ممكن يذي الشخص وكمان يخليه يعاند ويكابر في غلطه .

كمان الضرب يعتبر من الوسائل الرادعة ، وعقوبة بحالة ارتكاب خطأ أو عصيان أو سلوك غير سوي ، ولكن لا يجب علينا أن نجعل الضرب وسيلة مستمرة وأساسية في تعاملنا مع بناتنا وأبنائنا بشكل يومي ، فالبعض يظنون أن الضرب يعالج المشكلة السلوكية الغير مرغوب فيها ، وأن قيامهم بإستخدام الضرب ذلك قد قاموا بالتربية بشكل صحيح .

ولكن في الحقيقة أن الضرب هو علاج موضعي سريع ولا يحل أى مشكلة ، بل بالعكس يجعلها متفاقمة مع الوقت لعدم وجود نقاش وحوار بينهم ،فالضرب فقط  هو التهرب من التربية فالذين يستخدمون الضرب هم عاجزون عن عن فهم حقيقة التربية السليمة والصحيحة ،كما أن استخدام الضرب بشكل دائم هو حيلة للهروب من النصح والنقاش والمحاولة .

أفضل وسائل التربية هي التوجيه والنصح والإرشاد والمتابعة والسماع الجيد وأخذ الرأي وإعطاء والمشاركة بالحوار واتخاذ القرارات ، يمكنك استخدام الضرب بعد أن تستنفد كل هذه الطرق والوسائل التربوية المختلفة ،فلا يمكنك استخدام الضرب في التربية إلا بعد إستخدم كل طرق التربية الصحيحة والعلاج المناسب .

فيجب تربية الأبناء والبنات بطريقة صحيحة وبعيدة عن الضرب عن طريقة معرفة احتياجاتهم وقضاء وقت للتحدث معهم ومعرفة طريقة تفكيرهم ، فيجب أن كل أب وأم يكونوا قراب جدا من أبنائهم ومثل أصدقائهم تمام وخاصة في وقت المراهقة .

وبمناسبة وقت المراهقة الوقت ده بيبقى فيه تغييرات كتير خاصة عند البنات ، فده أكتر وقت لازم الأب والأم يكونوا أصحاب لأبنائهم وكمان لو في أخ كبير لازم يحتويها ويبقى صديقها ، لأن أوقات كتير الأخ بيحس نفسه هو الراجل وليه حق يتصرف مع أخته زي ما هو عايز وأول وسيلة بيفكر فيها لو أخته عملت حاجة غلط هي الضرب وده طبعا تفكير غلط جدا ، مش كل الولاد بيفكروا كدة بس في كتير تفكيرهم كده ، فحبيت أخذ الآراء البعض هل مؤيدين أم معارضين لفكرة ضرب الأخ لأخته ؟ 

_لا طبعا مالوش الحق إلا لو الاب والام متوفيين.

_الضرب في كل الأحوال أيا كان من الاخ او الاب والام مش مسموح لو الفعل كبير جداا وغلطه صعبه ممكن عقاب بس غير مؤذي علشان الرسول قال رفقا بالقوارير

مينفعش هما يجو يكسروا كلام الرسول و يضربوا!

_الضرب في كل الأحوال غير مسموح بيه.

_لا طبعا.

_لا طبعا.

_لا يصح الضرب عموما.

_لا طبعا مش من حقه لان الاب موجود و لو الاب مش موجود متوفي مثلا او لاي سبب تاني بردو مش من حقه يضرب.

وبكدة عرضت عليكم آراء البعض ، يارب يكون التقرير عجبكم❤