تعالي كده نتكلم مع بعض شويه عن أنواع العلاقات ال في حياتنا و هقولك ليه دلوقتي ...

كتبت : نورهان مجدى

اولا كده خلينا متفقين أن العلاقات الانسانيه مكون أساسي في حياتنا و من الصعب أننا نعيش حياه طبيعيه و صحيه من غير ما يكون عندنا علاقات مع غيرنا .

العلاقات ديه بقا تنقسم لنوعين نوع صحي و ده اللى بتكون فيه العلاقات مصدر للسعادة و الإلهام و الدعم ، و نوع تاني من العلاقات بنسميه العلاقات السامة و ده بيكون مصدر التعاسة و الشقاء والقلق كمان و النوع ده بقي إحنا جايين نتكلم مع بعض فيه النهارده .

سعات كده بتحس انك بتتفهم غلط دايما و بتتعرض للهجوم المستمر و عدم التقدير ، اهو ده اللي نسميه بالعلاقة السامة الممكن كمان تطور و تعرض سلامتك النفسية و العاطفية و ممكن كمان الجسدية للخطر تخيل !!! و العلاقات ديه ممكن تقابلها في اي مكان ذي الشغل و النادي و حتى كمان البيت بين أفراد الأسرة و بيتطور الموضوع لما يكون أحد طرفي العلاقة عنده اضطرابات نفسية فعلا ، ذي الاكتئاب أو الميول للاكتأب فالناس العندها اضطرابات نفسية ديه بيكون حساسين جدا و محتاجين معامله خاصه .

يعني مثلا ممكن يكون أحد الأشخاص اللى بنتعامل معاهم من النوع البيحب ديما يجذب الاهتمام و ده بيخليه عرضة للتنمر أو محاولة التقليل من أهمية المواضيع البيتكلم فيها و طبعا ده بيخلي معنوياته تدهور و يتصرف بطريقة غير ودية و طبعا في المقابل يتعامل معه الآخرون برضو بطريقة غير ودية و طبعا مع الوقت الموضوع بيزيد سوءا .

و طبعا صفه "سام" مينفعش تتقال على الأشخاص بشكل عام و تنطبق أكثر على العلاقات والمواقف بمعنى ، في ناس عندهم كم كبير من المشاعر السلبية بشكل مستمر و مش بتتغير مع مرور الوقت ولا حتى المواقف و بتلاقي كده عندهم القدرة علي التأثير علي اي حد بشكل سلبي و تكدير حياته .

و طبعا دلوقتي زمانك طب انا ازاي اعرف العلاقات السامة ؟ هقولك ...

لو كان الجانب السلبي و السيئ في العلاقة اكبر و اكتر من الجانب الإيجابي فخليك عارف ان الشخص المعاك ده سام و طبعا العلاقه برضو . و العلاقات السامة ديه ممكن توصل ل الإساءة الجسدية و اللفظية كمان . ف اقعد كده مع نفسك و فكر و شوف العلاقات السامة اللى في حياتك .

و برضو في علامات تانيه للعلاقة السامة ذي انك تدي اكتر ما بتاخد في العلاقة سواء بقي مشاعر أو اهتمام أو وقت و غيره كتير و ان كمان العلاقه ديه تخليك تحس بالضعف و الاستنزاف و انك تحس بشكل مستمر بعدم الاحترام و أن احتياجاتك لم يتم تلبيتها و أن يساء فهمك ،و طبعا كل ده هيخليك تحس باكتئاب و الغضب و التعب بعد الكلام أو وجودك اصلا مع الشخص ده ، و كمان أن كل واحد من طرفين العلاقة يحاول يظهر أسواء و اوحش جانب في الطرف التاني ذي أنه يخليه متنمر أو قليل الزوق أو أنه يحرك ل عادات سيئه ذي التدخين و الشرب أو الاسوء من كده كمان .

و ممكن تكون العلاقة سامه بشكل تاني ذي أن الطرف السام يخليك تقديم وقت كبير و تبذل مجهود و قوة عاطفية في محاولة السعادة أو إرضائه و هتلاقيه على طول بيلومك أو بمعني تاني قلَب الترابيزة عليك و تلاقي فجأه أن الحجات الهو غلطان فيها بقت غلطاتك انت !!

العلاقات السامة ديه بحر كبير و ليه امثله كتير اوي لدرجه انه اكتب في كتب كتير انا كده كلمتك فيه بشكل مختصر

بس لو انت شايف أن في علاقات سامة في حياتك اهرب .