القضية الفلسطينية

بقلم :- محمد مسعد

ايه الأخبار يجماعة والله وحشتوني

طيب بصوا موضوعنا انهاردة موضوع قمة فالأهمية وانا انهاردة جاي اخاطب الشباب اللي بيقودوا الحملة التوعوية سواء من بوستات لفيديوز ايًا يكن حتى لو كلمة بتقولها لواحد صاحبك فيه كام نقطة كده لازم نمسكها ونتكلم فيها .

نبدأ كده واحدة واحدة ونقول ....

هل جريمة قتل السُياح اليهود في عمود السواري عمل بطولي بأي شكل من الأشكال؟

وإجابتي هي لا عُمر قتل المدنيين ما هيكون عمل بطولي بأي شكل من الأشكال ولا ديننا ولا أخلاقنا كعرب ولا مبادئنا تدعم النقطة ديه لازم كويس أوي عشان ننال رضا ربنا هوا أننا نعمل كل حاجة بعد الرجوع لسُنة الله ورسوله وكيفية تعامله فالمواقف الزي ديه فلو بصينا هنلاقي أن الرسول كان ناهي تمامًا الإعتداء على مدنيين من نساء و أطفال وكُبار السن وهنا احب اخدكم لنقطة تانية لكن مُتصلة بنفس الموضوع وهي هل الأعمال الإرهابية لحماس أعمال بطولية أم جرائم حرب وهنا إجابتي هتكون أننا لازم نفرق كويس اوي مابين المقاومة الفلسطينية و الأعمال الإرهابية ومندخلش الاتنين على بعض لأن المقاومة الفلسطينية ستنال دعمي للأبد المقاومة الشريفة اللي لما بتهجم بتضرب في جندي يحمل سلاح مثلها ولا تعتدي على مدنيين غير مسلحين والطريقة اللي بيدافعوا فيها عن وطنهم هي طريقة شريفة وهدفهم نبيل وهوا تحرير وطنهم من قبضة المحتل أما الاعمال الإرهابية اللي بتُقام حتى في الإسرائليين انا غير داعم ليها من وجهة نظري لازم أن نحترم قوانين الحرب حتى في عدم إحترام العدو لتلك القوانين فمكثال رسولنا الكريم لما فتح مكة المُكرمة مقتلش المدنيين ولا عذبهم على الرغم من أن ده كان اسلبوهم معاه فاللحظة ديه الرسول مستغلش قوته ومخلاش غضبه يعمي بصيرته مقالش دول كانوا بيعذبونا الرسول كانت رؤيته أبعد من كده بكتير فالأول موقف رحيم زي ده بيُظهر ليهم الفرق بين المسلمين وبينهم لدرجة انهم هيستحقروا نفسهم و تاني حاجة أن موقف زي ده أظهر للعالم كله على مر التاريخ طريقة تعامل الإسلام مع أعداؤه وممكن دلوقتي حد ييجي يقولي احنا مش انبياء او انت مش بتشوفهم بيقتلوا الاطفال كل يوم؟

وهنا ردي هيكون أولًا انا عارف كويس اوي أننا مش انبياء بس قصص الانبياء والرُسل مش موجودة عشان نحكيها للأطفال للإبتدائي ويسمعوها فالإمتحان لا فيه مواعظ ضخمة بتبان قيمتها فالأوقات الزي ديه ولو فضلنا نقول احنا مش انبياء يبقى احنا سمحنا لغضبنا يعمينا و الحق فعيننا هوا فالحقيقة باطل اما إجابتي للسؤال التاني هي ايوة بشوف كل يوم الجرائم وعندي يقين أن ربنا هينتقم من كل واحد منهم و أن ربنا هينصر المقاومة الشريفة لكن الواحد مش بيبقى عايز يشوف حد من ناسه بيقع ففخ الغرب وايوة يجماعة الغرب عندهم اقوى إعلام فالعالم بمجرد ما اي حد من الفلسطنيين هيغلط أي غلطة هتتمسك ضدنا وهيتقال علينا إرهابيين انا بقا عايز نمسك مرايتهم ونوريهم مدى قذارتهم وأن احنا هنظل مُتعبين اخلاقنا و ديننا وهنحارب بمبادئنا.

تاني حاجة بقا حابب اتكلم عليها وهي موقف محمد صلاح هل هوا محايد أم مُنحاز زكي؟

إجابتي أنه مُنحاز زكي بصوا يجماعة الخير

محمد صلاح قوته الإعلامية تعتبر من أقوى القوى الإعلامية فالعالم حاليًا وصوته مسموع بشكل ضخم جدًا فهنا نسأل نفسنا كام سؤال هل هوا أنكر جرائم الكيان الصهيوني والإجابة لا بل بالعكس هوا أظهرها للعالم وكلمة كل الأرواح مقدسة ديه بتظهر للعالم أن ده شخصية مسلمة على الرغم من الجرائم اللي تم إرتكابها فيهم لسه بيعبروا عن اهتمامهم بكل الأشخاص

يجماعة لازم نفهم أن ديه لعبة سياسية كبيرة احنا مش بنلعب هنا انتوا مستنيين محمد صلاح يطلع يزعق ففيديو مثلا؟

احنا كعرب اصلا محطوطين فدائرة مغلقة من الغرب أن احنا قتلى و بلا عقل هل حد منكم فكر قبل كده محمد صلاح بذل مجهود قد ايه عشان يطلع برا الدائرة ديه

صلاح أظهر للعالم بشاعة إسرائيل و تسامح الإسلام وأن احنا مش مجرد قتلى وهمج احنا مقاومتنا شريفة ردًا على الجرائم اللي بيتم إرتكابها فينا.

فبس كده يجماعة ده كان رأيي المتواضع فالحقيقة ديه اول مرة اكتب مقال سياسي لكن حسيت أن واجبي اني اطلع واتكلم فوقت مهم زي ده واتمنى أن رسالتي تكون وصلت ليكم وفالنهاية لازم اقول أن الحق دايمًا بينتصر وأن ربنا شاهد على كل شئ وهو العزيز المُنتقم العادل ولذلك لازم نقاوم بناءًا على المبدأ ده ومتسمحوش لأي حد يطلع يقول اي حاجة فتروحوا مصدقينها فالأوقات الزي ديه الحق والباطل بيبقى بينهم خيط رفيع اوي ادعوا ربنا دايمًا أنه يظهر الفرق مابينهم ليكم متسمحوش للتشتت يدخل عقولكم خلوا عقولكم مُحصنة بدينكم وخلوا رؤيتكم دايمًا شاملة كل وجهات النظر ومتحجموش آفاقكم وبدعي ربنا ينصر أهلنا ففلسطين وفكل بقاع الأرض.