الفرانكو

كتبت / مريم وليد 

 الفرانكو مش لغة جديدة زي ما البعض متوقعين بل من زمان من أيام سقوط الأندلس " أسبانيا " حاليًا عن طريق الاسبانيين وظهور محاكم التفتيش الاوروبية ، 

 وفي هذه الفترة كانت الاندلس مليئة بالمسلمين ، غير الذين هاجروا إلى المغرب والى الاراضي العربية ،حيث قام الاسبانيون بإستخدام العنف والتعذيب والعنصرية ضدهم  ..  اخذوا المصاحف ومنعوا الصلاة في المساجد وبالنسبالهم مكنش كفاية فعملوا حاجة خطيرة جدا

عملوا ايه ؟؟ 

خلوا الناس تتكلم عربي عادي بس خلوهم يكتبوا اللغة العربية بالحروف اللاتينية واللي احنا عارفينه حاليا " الفرانكو " ،

واستمر الأمر هكذا حتى تحول جيل كامل لا يعرف هل هم مسلمين أم لا واُطلِق عليهم " الموريسكيين " 

ظهر ناس كتير مؤييدين للفكرة ومن أبرزهم : القاضي الانجليزي " ويلمور " وهو مشهور حيث كانت له دعوة بجعل لغة الخطاب هي لغة الكتاب يعني العامية تكون هي لغه الكتابة ، 

وظهر فى القرن العشرين بعض المثقفين

قالوا ان الحرف اللاتيني اصلح من الحرف العربي شكلاً وموضوعًا وقالوا انه من الأفضل يكون الحرف اللاتيني بديلًا عن الحرف العربي و ابرزهم الشاعر اللبناني " سعيد عقل " كاتب ديوان " يارا " بالفرانكو 

بس ازاي وفيه حروف في اللغة العربية ليس لها بديل في اللغه اللاتينية !!

ايوه  .. هو كتب في المقدمة الحروف التي سيستخدمها وأضاف من عنده عشان يغطي قصور الحرف اللاتيني .. والنتيجة ان ابجديته أصبح فيها اكثر من ثلاثين حرف .. رغم ذلك الديوان فشل ولم يلاقى أي نجاحات. 

ودلوقتي لغة الفرانكو زاد انتشارها واستخدامها في مصر والدول العربية من خلال استخدام الانترنت ,, وكمان العرب فى البلاد الاجنبية ومفيش عندهم كيبورد لغة عربية ، 

ثم أدى انتشار الفرانكو بين الشباب ان بعض الكتاب بدؤا يكتبوا بيها علشان يوصلوا بسرعة للشباب ، منهم  الكاتب الشاب " عمر طاهر " مؤلف كتاب " شكلها باظت " ، كان بيستخدم في كتابة الفصول أسلوب الشباب في كتابة العربي بحروف إنجليزية ، وهي المتعارف عليها " الفرانكو "