الشذوذ الجنسي
- Mohamed Mosaad
- Oct 23, 2023
- 3 min read
كتبت :- بسملة محمود
مسا مسا تعالي اكملــ......
_الشذوذ!!!
يا ستار يارب، مالك؟!
_من يومين كده، كان في تريند في مستشفى مجانين تويتر بعنوان دعم المثليين!!!
طب وايه؟!
_دخلت في جدال مع شخص، بس معرفتش افحمه، فـجبته ليكي تفحميه.
يازين ما اخترت يخويا، دا أنا هبله!!
_بس اغلب حججك قويه وهتعرفي تقنعيه، استني هروح انادم عليه واجيبه تكلميه لوحدكم.
طب والشاي؟!
_اشربيه انتِ المره دي، عشان خسارة في جتتة.
____________
عرفت إنك بتدعم ناس مش تمام..
_الشواذ تمام علي فكرة، دا شيء هما غير مسؤلين عنه، مش عارف ليه المسلمين خاصة، والعرب عمومًا مش موافقين انهم يدوهم حقوقهم.
زي ايه الحقوق طيب؟!
_إن يكون ليهم كامل الحق في الزواج والعيش معًا.
يعني أنا يجي يوم واقول فرح فلان علي فلان بدل فلانه؟!!
_طب وفيها ايه ما دام دا هيبسطهم، فين حرية الرأي؟!
_موجوده طبعًا، بس أنت حر مالم تضر.
_ايه الضرر اللي هيترتب علي زواج اتنين من نفس النوع؟!
الطبيعة مبتقولش كده..
_اسمحيلي اقولك إن دا اي كلام بتقولوه عشان خاطر تثبتوا انكم صح، لكن في درسات اثبتت ان في حيوانات مثلية، يبقي دا شيء طبيعي في الطبيعة.
هو بعيد إنك قارنت شخص واعي عاقل بـحيوان لا يملك عقل، بس هو يعني ما دام الشيء موجود في الحيوانات يبقي طبيعي؟!
_ايوه معني كده انه دارج في الطبيعة، والدارج صحيح غالبًا.
ايه رأيك في حقوق المرأه؟!
_ايه علاقة الشذوذ بالمرأة وحقوقها؟!
يسيدي جاوب وخلاص، هل أنت بتدعم حقوق المرأه؟!
_أكيد طبعًا اي حريه أنا بدعمها.
يعني لا تدعم التحرش او الاعتداء عليها؟!
_اكيد طبعًا، ولازم اللي يعمل كده يحاسب ويعاقب.
ليه؟!
_ايه اللي ليه؟!
ليه يحاسب ويعاقب؟!
_عشان دا تعدي علي حقوقها وحريتها.
في حيوانات بتعمل كده!!
_الحيوانات اينعم معندهاش عقل بس يستحيل تعمل فعل شنيع زي ده!!!
لأ بيعملوا، عندك الدولفين رغم انه متصدر عنه صورة ايجابية، الا إن ذكور الدلافين بتستفرد بالانثي وتعتدي عليها اعتداء جماعي..
_.....
ازيدك من الشعر بيت، ذكر الشمبانزي بيضرب مراته ويمسح بيها الارض، ولو عندها اطفال من زوج غيره بيقتلهم قدام عيونها.
_دي أفعال منحرفة.
بس في الطبيعة، اذا كنت هتحلل شيء بمقياس معين يبقي لازم تحلل باقي الأشياء بنفس المقياس، ايه رأيك في اللي بيقتلوا الأطفال؟!
_دا شيء غير عادي طبعًا وضد حقوق الطفل والانسان عمومًا!!!
طب في حيوانات اما بتشوف انها مش هتعرف تربي عيالها بتقتلهم، والاسد بيقتل ابنه عشان خاطر مراته ترجع تتفرغ له تاني وعشان ميهددش مستقبل حكمه، وانثي البطريق بتخطف ابن انثي تانيه واما بتزهق بترميه يموت بين الجليد دون اهتمام.
_ولية نبقي زي الحيوانات؟!!!!!!
والله السؤال ليك، ليه نتبع الشذوذ لمجرد ان في حيوانات بتمارسه؟!
_لأن معني ان في حيوانات بتمارسة يبقي فطرة!!
يبقي ندعم الشذوذ والخطف والاعتداء جملة واحدة، عشان في حيوانات بتمارسهم برضو فيبقوا فطرة.
_دا شيء غير صحيح.
يبقي حجتك ضعيفة أو ناقصة او غير مؤمن بيها.
_مؤمن بيها.
يبقي منافق بتاخد اللي علي هواك وتسيب اللي مش علي هواك.
_لازم نحافظ علي الطبيعه والفطرة!!!
يعني أنت مش بتدعم قطع الأشجار؟!
_طبعًا عشان الاحتباس الحراري ميزيدش أكتر.
يعني أنت شايف إن الاشجار هتساعد الكوكب يكون صحي؟!
_طبعًا.
نفس الفكرة دي عندنا احنا (الغير داعمين للمثليية) عايزين نحافظ علي كوكب صحي وسلالة بشرية خاليه من العيوب، لو وافقت علي زواج اتنين من نفس النوع، ازاي البشريه هتتكاثر؟!
_الكوكب في 8 مليار + انه غير صحي، ليه نجيب اطفال نظلمهم؟!!!
كلامك دا يتقال لو مفيش ناس بتموت، لكن في ناس بتموت، وفي جائحات، دا كله بيوفر اماكن لمواليد جديده، وفي مخططات لتمنيه البيئة، كله بيتم تهيئته لمستقبل افضل عشان اولادنا في المستقبل!!!
_اما يكون الكوكب صحي ساعتها نجيب اطفال!
يعني هنطبق نظرية الصين و أوربا طفل لكل عيلة؟!
_طب ولية لأ؟!
اولا الصين رغم قوانينها الا انها دولة ملياريه + إنهم بعد عدد سنين من القانون اكتشفوا ان عندهم عجز في الشباب، فبيحاولوا بكل الطرق حاليا انهم يزيدوا عدد سكانهم، يبقي النظرية فاشلة، في حين الدول العربية رغم ان مفيش فيها قوانين حاسمه لتنظيم الاسرة الا ان كل الدول العربية متجيش حاجه جمب عدد الصين!!
_انتِ توهتي الموضوع!!!!!
بالعكس احنا لسه في الموضوع، أنا بوريك الجوانب التانيه اللي مش عايز تشوفها، قولتلي الشذوذ فطرة لأنه متداول في الحيوانات، قولتلك في حيوانات بيعتدوا وبيخطفوا ويقتلوا إن كنت هتدعم ده لازم تدعم دا، قولتلي حفاظًا علي كوكب صحي، قولتلك مش من الصحه اصلا دعم الشذوذ، كله مرتبط ببعض بس مش عايز تشوف، احنا بنرفض الشذوذ بمستوي ديني اخلاقي مجتمعي علمي، وعلي المقاييس دي بنرفض الاعتداء والتحرش والقتل والخطف، يبقي معاييرنا سليمة ومقايسنا لا غبار عليها.
_عمومًا أنا مليش دعوة، أنا انسان سليم ذو ميول سليمة، أنا بس بدعم حريتهم مش اكتر وإن ليهم الحق يعيشوا براحتهم، لكن انا مليش دعوة بيهم.
بعيد عن أنك اعترفت إن الميول السليمة والشخص السليم غير شاذ، بس امرأه لوط!
_مالها؟!
بتسلم عليك.
Comments