التطوع

كتبت / ابتسام حسن

في ظل الظروف اللي بتمر بيها فلسطين ناس كتير قدرت تتطوع وتساعد غيرها في حين أنها مكانتش تعرف يعني اي تطوع ؟

قضية فلسطين فوقت ناس كتير حررت مننا فكرة عقدة الخواجة واحيت صناعتنا المصرية !

عرفت الناس يعني اي تطوع و ازاي اقدر اساعد غيري !

في ناس مننا كتير كان عندها فكرة التطوع بأني اساعد غيري بالفلوس وبس في حين أنه معناه مش كده خالص .

انك تبذل مجهود بدون مقابل وانك توفر شوية وقت من يومك لمساعدة غيرك هو ده التطوع مش شرط تدفع، غير انك بتقابل ناس شبهك عندهم نفس الدافع اللي انت موجود فيه ف مكان ما عشانه، نفس تفكيرك، بتساعدوا غيركم سوا بيخلق جواك التعاون، بيخلق بينكم لحظات حلوة كتير تفتكرها تبتسم وتحس براحة لمجرد انك ساعدت في عمل بسيط جداً .

هل التطوع مذكور في الاسلام ؟

ذُكر التطوع في الاسلام وهو يحث عليه ويجازي من يفعل الخير حتى لو بسيط له ثواب عظيم

بسم الله الرحمن الرحيم (( وما تقدموا لأنفسكم من خير تجدوه عند الله هو خيرًا وأعظم اجرًا )) .

طالما عندك وقت فاضي تقدر تساعد فيه غيرك فيبقى ليه لا ؟

فكرة انك تخفف العبئ على غيرك وانك تشوف بعينك الناس المحتاجة ده وتقدر تساعد، وانك تحقق التعاون بينك وبين اللي حواليك دي فكرة مريحة جدا .

خليك فاكر وعارف أنه مش شرط فلوس أو أكل أو البس كافية انت تساعد بجهد بسيط ! .