إرم ذات العماد

كتبت : نورهان مجدي

اي هي قصة إرم ذات العماد؟ طب مكانها فين ؟ و كين النبي المرسل إليهم ؟ و هل هي اختفت فعلا ولا لا؟

كل دي أسأله هتعرف اجاباتها سوا مع بعض

اي هي قصه إرم ذات العماد ؟

دي يا سيدي مدينة ذكرت في القرآن الكريم سكنها قوم "عاد" و اتسمت ب إرم ذات العماد لأنها رفيعه البنيان و البناها شخص من قوم عاد اسمه "شداد بن عاد". طب مين هم قوم عاد اصلا؟ دول أحد الشعوب العربيه .طب يعني برضو مين دول ؟ اقولك : دول اول ناس عبدوا الأصنام بعد سيدنا نوح عليه السلام. قوم عاد دول كانوا من اقوى القبائل على الارض في الوقت ده و من صفاتهم أنهم كانوا ضخام جدا بمعني اصح يعني عمالقة وكانوا أقوياء جدا و من كتير قوتهم كانوا ماشيين يطيحوا في الأرض كلها و كانوا بيبنوا البيوت بتاعتهم في الجبل علشان يبينوا قوتهم ديه.

طب مين النبي الربنا أرسله ليهم؟

ربنا سبحانه و تعالى لما قرر يبعتلهم نبي يهديهم لعبادته و التوحيد بيه أرسله من قومهم و هو سيدنا هود عليه السلام ولكن هما كذبوه و استكبروا في الأرض من شدة قوتهم و رفضوا دعوة سيدنا هود ليهم للتوحيد بالله من كتر ما هما شايفين نفسهم أقوياء ف ربنا نجي سيدنا هود منهم و كل من آمن به و أهلكهم هما طب ازاي؟ ربنا نزل عليهم

عقابه برياح شديده حدا خسف بيهم الأرض كلهم و استشهادا ع الكلام ده بآيه من القرآن الكريم بسم الله الرحمن الرحيم " فأما عاد فاستكبروا في الأرض بغير الحق وقالوا من أشد منا قوة أولم يروا أن الله الذي خلقهم هو أشد منهم قوة وكانوا بآياتنا يجحدون * فأرسلنا عليهم ريحا صرصرا في أيام نحسات لنذيقهم عذاب الخزي في الحياة الدنيا ولعذاب الآخرة أخزى وهم لا ينصرون *) صدق الله العظيم .

طيب مكانها فين بقي المدينة ديه؟

بص هو بصراحه مش معروف مكانها بالتحديد لأنهم مش لاقينها . و بالمناسبه ديه إجابه سؤال هي أختفت ولا لا ... و في خلاف على موقعها بعض الباحثين رجحوا أنها ممكن تكون في جزيرة في دمشق و في ناس تانيه قالت إنه جبل رام في الاردن و في ال قال إنها مدينة أوبار جنب الصحراء الربع الخالي في سلطنة عمان . بس في برضو القالو أن في بعض الآثار تشير أن كان مكانها جنوب اليمن في الاحقاف .