آبل تطلق 5 موديلات من سلسلة iPhone 16 هذا العام

كتبت / روان كامل 

ازيكم عاملين ايه النهاردة جيت ليكم بمقال لكل شخص مهتم أمتى هينزل iPhone 16 وايه هى مواصفاته وايه هو سعره ؟

تعالوا معايا في مقال النهاردة وهجاوبكم على كل التفاصيل دي .

كل سنة كتير من محبي Apple ينتظر أجهزة iPhone الجديدة ، وفي العادة بتطلق الشركة مجموعتها الجديد من الهواتف الذكية في شهر سبتمبر وبتتضمن أربعة طرازات وهما (Pro Max و Pro و Plusو Standard ) ، ولكن الآن يشاع أن شركة Apple ممكن تقرر إطلاق ما يصل إلى 5 طرازات في سنة 2024 في سلسلة iPhone 16 القادمة .

وكمان على موقع X (تويتر سابقا ) ، اقترح Tipster Majin Bu أنه من الممكن اننا نرى طرازين جديدين من iPhone 16 SE في هذه السنة ، وكمان Tipster Majin Bu شارك ببعض المخططات لأجهزة الشركة القادمة هذه السنة .

 السعر والتصميم وتفاصيل أخرى 

بناءا على المخططات المسربة ، أن ممكن الشركة تقدم سلسلة iPhone 16 القادم بخمسة أشكال متميزة ، علشان كدة شركة iPhone  ممكن تقوم بدمج خط iPhone SE في التشكيلة الرئيسية لهذا العام ، وبتصور العروض تكوينات مختلفة للكاميرا خلال الطرازات ، حيث أن جهاز iPhone 16 SE و iPhone 16 Plus SE بيتميزوا بكاميرا خلفية واحدة على شكل حبة وده بيذكرنا ب iPhone X .

وفي المقابل ، إصدار iPhone 16 العادي يتميز بوحدة كاميرا خلفية مزدوجة ، و iPhone 16 Pro Max و iPhone 16 Pro بإعداد كاميرا خلفية ثلاثية ، والتصميمات دي بتتوافق مع التسريبات السابقة ، حيث تعرض نتوءات الكاميرا على شكل حبوب ، وهو خروج عن نتوء الكاميرا المربع الشكل في سلسلة iPhone 15 الحالية.

وكمان التقارير تشير أن iPhone 16 SE ممكن يتميز بشاشة مقاس 6.1 بوصة توفر معدل تحديث 90 هرتز ،  بينما نظيره  iPhone 16 Plus SE ممكن يوصل بشاشة أكبر مقاس 6.7 بوصة 60 هرتز ، وذي ما ذكر إن الطرازين بيتمتعوا بميزة Dynamic Island .

وبالنسبة للإصدارين القياسيين من iPhone 16 Pro و iPhone 16 ، فالتكهنات بخير إلى أن الشاشات بحجم 6.3 بوصة وكمان مزودة بمعدل تحديث 120 هرتز ، وفي نفس الوقت كمان من المتوقع أن يتميز iPhone 16 Pro Max بشاشة أكبر مقاس 6.9 بوصة و معدل تحديثه يبلغ 120 هرتز.

بالإضافة إلى المرشد شارك تفاصيل الأسعار المحتملة لسلسلة iPhone 16 في تعليق على موقع X ، وزي ما التسريبات بتقول أن ممكن سعر iPhone 16 SE بسعر 699 دولار بالنسبة لطراز 128 جيجابايت ، أما بالنسبة ل iPhone 16 SE Plus فده هيكون بسعر 799دولار نسخة 256 جيجابايت. 

ومن خلال التوقعات أن ممكن iPhone 16 بسعة تخزين 256 جيجابايت يتم بيعه بسعر 699 دولار ، و أن iPhone 16 Pro و iPhone 16 Pro Max إصدار 256 جيجابايت ويتم بيعهم بسعر 999 دولار و 1099 دولار.

ولكن كل التسريبات دي مش متأكدة لسة ، بس خلاص شركة آبل هتعلن عن  موبيلات  iPhone 2024 في شهر سبتمبر الجاي خلاص كلها كام شهر هنتأكد من كل المعلومات دي .

يارب أكون قدرت أفيد كل حد فيكم مهتم بإصدرات شركة آبل الجديدة💜.