الحب

كتابة :نورهان مجدى 

الحب...و مين فينا منفسوش يقع في الحبوب يحبو بتحب و يعيش بقي أجواء فيروز لما قالت "انا لحبيبي و حبيبي اللي". طب حلو اوي ده ، جربت بقي قبل كده تقع في الحب من طرف واحد؟ اي ده هو ممكن حد يقع في الحب من طرف واحد بس؟ للأسف هقولك اه بتحصل ، تعالي بقي ندردش شوية مع بعض ونفهم أي هو الحب من طرف واحد ده ... ده ياسيدي بيبقي مشاعر كتير اوي كده من شخص موجهه لشخص تاني بس الشخص التاني ده معندوش نفس المشاعر ديه و في الأغلب النوع ده من الحب يحتاج كم كبير من التضحية لأنه مختلف الحب المتبادل لانه مفهوش موازنة و ديما الشخص الذي يعيش التجربه ديه بيكون مليان امل و عايش في سلام داخلي كده مع نفسه لأنه بيحب و مش مستني اي مقابل و بيكون عايش علي امل أنه ممكن يوصل لقلب ال بيحبه ده في يوم من الايام .

طب اعرف ازاى لو كنت في علاقة حب من طرف واحد ؟ في الحقيقه في شويه علامات كده تعالي اقولك عليها اول حاجه الجهد المبذول و ده بقي بيبقي الشخص اللى بيحب بيبقى بيبذل جهد و عطاء كبير اوي و مكرس معظم وقته علشان يسعد البيحبه و في المقابل مبيحصلش علي حاجه و لو حصل يبقى جزء بسيط اوي لا يذكر . تاني حاجة هي التواصل ،علي طول الشخص اللى بيحب بيبادر ديما بالاتصال و بأنه يبعت رسايل علشان يوصل ويطمن علي البيحبه و الطرف التاني هتلاقيه بيحاول يهرب  من الكلام معاه أو بيتجنب الرد على رسائله. تالت حاجه التعب و الإرهاق ، و هو أن الشخص الذي يحبه ده بيحس بتعب و إرهاق و مش مرتاح في العلاقة و ده بيبقى بسبب تعرضه للضغط الزائد في التفكير في أبسط الحاجات المتعلقه بالحبيب و على الاغلب بيبقى قلقان لو كان الطرف التاني متضايق من موضوع معين أو أنه يكون عمل حاجة زعلته . بس يا سيدي دي امثله بسيطه للعلامات 

طب لو لقيت نفسي في علاقه ذي ديه اعمل اي؟ حقيقي معنديش فكره بس خليني اقولك تتأكد من مشاعرك ديه الاول كويس و حاول متبقاش مهووس بشكل مبالغ فيه .